Manchester United nuk po dorëzohet në tentimet e saj për të siguruar shërbimet e Kalidou Koulibaly.
Skuadra e Napolit nuk është e gatshme që ta lirojë lojtarin, prandaj kërkesat e tyre janë maksimale, në mënyrë që të zbehin gjasat e anglezëve.
Sipas raportimeve të fundit të medieve italiane, Napoli do të kërkojë 150 milionë euro për ta lëshuar lojtarin, transmeton lajmi.net.
Këtë e ka konfirmuar edhe korrespodenti i Sky Sport Italia, Carlo Alvino, me postimin e tij të fundit në Twitter.
“Koulibaly ka një klauzolë prej 150 milionë eurove. Të interesuarit për lojtarin e din se sa duhet të shpenzohet” thuhet në postimin e tij.
Shifra sigurisht se është e madhe, dhe Manchester Unitedit i zbehen gjasat për senegalezin. Mbetet të shihet nëse ata do të thyejnë bankën për të transferuar 28 vjeçarin.