Feronikeli i falet Hotit, e eliminon ekipin nga Gjibraltari - Bota Sot
Feronikeli i falet Hotit, e eliminon ekipin nga Gjibraltari

Futboll

Feronikeli i falet Hotit, e eliminon ekipin nga Gjibraltari

Nga: Kemajl Goca Më: 25 qershor 2019 Në ora: 22:40
Pamje nga ndeshja

Feronikeli nga Drenasi, kampion i Kosovës, është kualifikuar në finalen e turneut tëparakualifikuesevetëChampions League, ku do të kërkojnë vizën për në rrethin e parëtë eliminatorëve. “Nikli” ka shënuar fitore me rezultat 1:0 në përballje me Lincoln Red Imps nga Gjibraltari, në ndeshjen që u zhvillua në stadiumin “Fadil Vokrri” në Prishtinë.

“Nikli” i falet golit të futbollistit Mendurim Hotit dhe shkon më tej. Skuadra nga Drenasi do të takohet në finalen e turneut me ekipin nga Andorra FC Santa Coloma, ku do të luftojnë secila do të shkojë në rrethin e parë të eliminatorëve të Championsit. Qysh në minutën e tretë kampioni i Kosovës siguroi fitoren falë një veprimit të bukur kur Mendurim Hoti me dinakërinë e tij realizoi për 1:0. Ndeshja u karakterizua me lojë të nivelit mesatar, por Feronikelinuk ishte aq energjik, pasi që në disa raste hasi edhe në vështirësi. Në minutën e 74-të, Mendurim Hoti u desh të largohej nga fusha për shkak të një lëndimit dhe sigurisht se ky është një shqetësim për kryetrajnerin Zekirija Ramadani. Në pjesën e dytë Feronikeli ka pasur disa mundësi për të thelluar fitoren por nuk i konkretizuan ato, sidomos Carioca Jean. Në minutën e 79-të, Mevlan Zeka me një veprim shumë të mirë, me një goditje qendrore nuk e mposhti portierin Ortuno. Është interesant se “Nikli” e kishte posedimin e topit, por sulmuesit e saj jo aq të rrezikshëm për portën rivale.

Ekipi nga Gjibraltari u orvat me forcat e saja por jo edhe të befasojnë “Niklin” që luajti me shumë siguri në repartin e mbrojtjes. Me rëndësi për kampionin e Kosovës është fitorja dhe kualifikimi më tutje, edhe pse është pritur një triumf me bindës duke marrë për bazë se Lincoln nuk ka ndonjë cilësi. Feronikeli i mbetet që të përgatitet për sfidën e të premtes (20.45)në stadiumin “Fadil Vokrri” , që të kërkojnë fitoree cila do t’i shpie në rrethin e parë eliminatorë. Ndërkaq, skuadra kampione e Andorrës, FC Santa Coloma, nëndeshjen gjysmëfinale, e kanë mundur skuadrën kampione të San Marinos, Tre Penne, me rezultat të ngushtë, 1:0. Golin e fitores për skuadrën nga Andorra e realizoi Javier Lopez, në minutën e 76-të të takimit.

Feronikeli-Lincoln Red Imps 1:0

Stadiumi “Fadil Vokrri”, Prishtinë.

Shikues: 3.000.

Gjyqtar: F. San (Zvicra).

Shënues: Hoti (3’).

Kartonat e verdhë: Dabiqaj, Rexha, Hoti, Troshupa- Aguilar, Perez, Gil, R. Chipolina.

Feronikeli: Troshupa, Hoxha, Prekazi, Lladrovci, Islami, Fazliu (Malaj 87’), Dabiqaj, Bojku (Thaqi 82’), Hoti (Zeka 74’), Carioca Jean dhe Rexha.

Lincoln Red Imps: Ortuno, Perez (Toscano 56’), J. Chipolina, Lopes, R. Chipolina, Molina, Montesinos (Aranda Falu 79’), Gil, Gato, Aguilar(Hernandez 74’)dhe Cabrera.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...