Mërgim Mavraj do të luajë edhe sezonin e ardhshëm në Bundesligën 2, sepse sot ka firmosur për Greuther Furth.
Mbrojtësi i Shqipërisë e mbylli sezonin me Ingolstadt, ku pati rendiment shumë të mirë në pak muaj aty, por në play-off erdhi një disfatë e rëndë që solli zbritjen në Ligën 3.
Gjithsesi, Mavraj nuk do të qëndronte në Ingolstadt, edhe për shkak të pagës së lartë, ndërsa tashmë ka gjetur klub të ri.
Mbrojtësi veteran ka firmosur për 2 vite, ndërsa vetë klubi nuk ka dhënë detaje financiare, të cilat do të mbahen të fshehta.
Mavraj ka luajtur për Greuther edhe në periudhën 2011-2014, duke pasur një ndër periudhat më të mira të karrierës dhe duke luajtur një sezon edhe në Bundesligë, ndaj kthimi në Furth është si kthim në shtëpi.
