"Kjo nuk është Kupa e Amerikës më e mirë për mua. Nuk jam në nivelin e duhur", - u shpreh Lionel Messi pas fitores me Venezuelën në çerekfinale me rezultatin 1-0.
Bashkëlojtari i tij, Angel Di Maria, nuk mendon si "pleshti". Lojtari i PSG vlerëson kapitenin për lojën dhe për faktin që po vrapon pafund.
"Ne jemi mësuar ta shohim atë duke shënuar gola, por mendoj se Lionel Messi po bën mjaft mirë, po vrapon, po punon... Të gjithë e dimë se në Kupën e Amerikës si fillim duhet të vraposh dhe më pas të mendosh për të tjerat, të luash dhe të markosh", - tregon Di Maria.
