Fantazisti 35-vjeçar holandez, Wesley Sneijder e ka tepruar vërtetë shumë disa net më parë në qytetin e Utrechtit, duke detyruar policinë lokale ta ndalojë për disa orë.
Ish mesfushori i Interit të tripletës, që aktualisht luan për Al Gharrafën në Katar, ka dëmtuar një makinë, në gjendje të dehur, në orët e vona të natës.
Dëmi që i ka shkaktuar Sneijder makinës, është llogaritur në 6000 euro, shifër të cilën fantazisti e ka paguar kur i ka dalë pija, për t’u lënë i lirë nga policia holandeze.
Kujtojmë që Sneijder nuk po kalon fort ditë të mira, pasi vetëm pak ditë më parë u divorcua edhe nga bashkëshortja e tij, Yolanthe Cabau.
