James Rodriguez pritet të jetë blerja më e rëndësishme e merkatos së verës për skuadrën e Napolit. Kolumbiani nuk do të luajë as me Bayern Mynih, fanellën e së cilës veshi dy sezonet e fundit dhe as me Real Madrid, që ka kartonin e lojtarit.
Pas eliminimit të Kolumbisë nga Kupa e Amerikës Latine (u mund me penallti nga Kili), Rodriguez ka folur për të ardhmen e tij, duke befasuar disi me deklaratën e dhënë. “Nuk e di ende ku do të luaj sezonin tjetër. Kam ende 3 javë kohë për të menduar”, thotë Rodrigez.
Sulmuesi kolumbian, më tej shton: “Nuk varet çdo gjë nga unë, pasi për të ardhmen duhet të flas me skuadrën e Real Madrid, që do të vendosë për mua”. Napoli ka kohë që pret lojtarin, me të cilin ka arritur parimisht dakord për t’u tranfseruar në Serinë A.