Brazili dhe Argjentina sonte do të ballafaqohen në gjysmëfinalen e Kupës së Amerikës.
Trajneri i Brazilit, Tite, nuk kursen lëvdatat për lojtarin kundërshtar Lionel Messi, në prag të sfidës me Argjentinën.
Ndonëse Messi deri më tani nuk ka shfaqur gjithë potencialin e tij në këtë kompeticion, trajneri i Seleçaos, ka paralajmëruar lojtarët e tij që duhet të bëjnë kujdes të veçantë për ta ngadalësuar.
“Ne nuk duhet të flasim vetëm për individualitet e Argjentinës. Ata e kanë përmirësuar shumë edhe lojën kolektive”, deklaroi Tite. “Është pikërisht loja e mirë kolektive që ndihmon nxjerrjen në pah të aftësive individuale. Askush nuk mund të ndalë Messin, thjesht duhet ta ngadalësosh apo neutralizosh veprimet e tij.”
Kujtojmë se fituesi i kësaj sfide do të luajë në finale me fituesin e çiftit tjetër gjysmëfinale mes Kilit dhe Perusë.