Talenti i Chelsea-t Jamal Musiala ka firmosur me Bayern Munich, këtë e raporton e përditshmja gjermane Bild.
Mesfushori me tipare sulmuesi i cili mund të luajë edhe si sulmues ka nënshkruar një kontratë pesëvjeçare me gjigantët e Bundesliga-s.
Duhet theksuar se agjenti i 16-vjeçarit është Bradley Hudson-Odoi, vëllai dhe agjenti i Callum Hudson-Odoi.
Ky i fundit ka muaj të tërë që përflitet për një kalim te bavarezët dhe javën e kaluar është raportuar se The Blues kanë refuzuar një tjetër ofertë për 18-vjeçarin.
Ndërkohë Musiala pretendohet të jetë një nga lojtarët më të mirë të grupmoshës së tij. Bild e ka quajtur thesari i Chelsea dhe një mega-talent.