Gjatë ditës së djeshme, Arijanet Muric publikoi një foto në Instagram duke treguar që është në Barcelonë e që fillimisht u mendua se shkoi për pushime.
Por mesa duket arsyeja e vendndodhjes së tij në Spanjë është krejtësisht e ndryshme.
Mediat në ishull raportojnë se portieri i Kosovës i është bashkuar skuadrës së Nottingham Forest, e cila ka filluar stërvitjet në shtetin iberik.
Pavarësisht se mungon zyrtarizimi, Muric ndodhet në Spanjë për t’u përgatitur me skuadrën e re për sezonin e ardhshëm.
Vonesa e zyrtarizimit është kryekëput faji i Nottingham Forest, për shkak të largimeve të disa drejtuesve – përfshirë edhe trajnerin.
Marrëveshja duket e mbyllur, Aro Muric do ta shpenzojë një vit huazim në Championship.