Martin Odegaard në sezonin 2019/2020 do të vesh fanellën e Real Sociedad në La Liga.
Talenti norvegjez, Martin Odegaard, është dërguar në huazim te Real Sociedad, nga skuadra e Real Madridit.
Lajmi është konfirmuar në faqen zyrtare të Real Madridit, që pason pas shumë shkrimeve në mediet spanjolle në ditët e fundit.
“Real Madrid dhe Real Sociedad kanë rënë dakord për transferimin e lojtarit Martin Odegaard për sezonin e ardhshëm, deri më 30 qershor 2020”, thuhet në komunikatën e Real Madridit.
Odegaard është transferuar te Real Madrid që nga viti 2015, por gjatë këtyre viteve ka qëndruar në huazim te skuadra e të rinjve të ‘Los Blancos’, për t’iu bashkuar pastaj Heerenveenit dhe Vitesses në Holandë.
