Suedia fiton medaljen e bronztë në Kampionatin Botëror, që po mbahet në Francë.
Suedia triumfoi me rezultat 2:1 në përballje me Anglinë.
Në një ndeshje mjaft të mirë për vend të tretë, suedezët u treguan lojë shumë të mirë, po ashtu duke iu falënderuar edhe golit të Kosovare Asllanit ia arritën qëllimit.
Futbollistja më e mirë shqiptare, me prejardhje nga Kosova, Kosovare Asllani, bombardon Anglinë.
Ajo brenda 16-shit dhe nga rreth 14-15 metra me një goditje të fuqishme e plason topin në këndin e djathtë të portieres Telford, 0:1 pikërisht në minutën e 11-të.
Ndërkaq, Jakobsson thellon epërsinë në 0:2 në minutën e 22-të.
Në minutën e 31-të, Kirby ngushton humbjen në 1:2. Sulmuesja shqiptare u zëvendësua në minutën e 47-të.
Ndeshja u zhvillua në stadiumin “Allianz Riviera” në Nice të Francës.