Ausilio ka udhëtuar në Angli, Interi nis bisedimet me Unitedin për Lukakun - Bota Sot
Ausilio ka udhëtuar në Angli, Interi nis bisedimet me Unitedin për Lukakun

Futboll

Ausilio ka udhëtuar në Angli, Interi nis bisedimet me Unitedin për Lukakun

Më: 10 korrik 2019 Në ora: 23:36
Romelu Lukaku

Drejtori i Interit, Piero Ausilio, ndodhet në Angli për të negociuar me Manchester Unitedin lidhur me sulmuesin Romelu Lukaku.

Udhëtimi drejt Londrës është pritur këtë javë, ndërsa Sky Sport Italia bën të ditur se tashmë ka ndodhur.

Antonio Conte e ka bërë të qartë se e konsideron belgun si përforcim ideal për sulmin e Nerazzurrëve.

Djajtë e Kuq kërkojnë së paku 80 milionë euro dhe në disa raste i kanë refuzuar ofertat më të ulëta, si edhe ato me përfshirjen e Mauro Icardit dhe Radja Nainggolanin.

Po ashtu, Unitedi nuk dëshiron ta lejojë huazimin e Lukakut për një apo dy vite me obligim blerje, por dëshiron ta shesë menjëherë.

Juventusi dhe Napoli janë dy klubet tjera italiane që e rivalizojnë Interin, mirëpo interesimi i tyre nuk ka qenë aq i madh. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...