Përforcimi i afatit kalimtar veror të Juventusit, Aaron Ramsey, i është drejtuar klubit duke folur për herë të parë si lojtar i Juventusit.
Së fundmi Aaron Ramsey është paraqitur në një konferncë për media. Mesfushori uellsian ka folur edhe për numrin ‘8’ të cilin do ta mbajë në fanellë.
“Unë e doja numrin 8 dhe në momentin që e kuptova se është i lirë, e mora atë. Unë e di sa ai i përkiste një kampioni si Claudio Marchisio. Nëse mund të bëj aq sa ai të jetë krenar, jam gati për këtë sfidë të madhe” – tha ish mesfushori i Arsenalit.
Ramsey iu bashkua Juventusit si futbollist i lirë, pasi që kontrata me Arsenalin i kishte skaduar.