Trajneri i Shkëndijës, Qatip Osmani ka qenë shumë i zhgënjyer pas eliminimit nga Nomme Kalju, në ndeshjen e kthimit të rrethit të parë të Champions League, e cila u luajt të martën në Shkup.
“Një pjesë e parë mjaftë e zbehtë, e dyta ndoshta pak më e mirë, por jo sa duhet e mjaftueshme për fitore.
Nuk kishim agresivitet në lojë, kurse ideja ime ishte që me pasime të shkurtra të vijmë te goli. Në pjesën e parë lojtarëve u thash se po luajmë shumë ngadalë dhe se duhet të luajmë më shpejtë.
Kishim shumë vetëbesim dhe kjo na u hakmor”, tha Osmani. Shkëndija kishte fituar me 1:0 në fushë të Kalju-s, por i kushtoi humbja në Shkup me 2:1.