Ylli brazilian i futbollit, Oscar, ka bërë të ditur se po synon rikthimin në futbollin evropian, pas shumë sezoneve të kaluara në Kinë.
Ish anëtari i Chelsea kalonte në Kinë, për të përfituar financiarisht, fakt të cilin nuk e pati fshehur, duke thënë se preferon të ketë ushqim më shumë sesa memorie nga Kupa e Botës, para se të kalonte në Azi.
Së fundmi lojtari ka thënë se është afër rikthimit në Evropë, saktësisht në kampionatin italian, ku është në bisedime me dy gjigantët e Milanos.
“Kam biseduar me të dy skuadrat nga Milano – Milan dhe Inter. Nuk ka ndonjë vendim, por dua të luajë në Itali” citohet lojtari nga ‘Nerazzurriale’.
Aktualisht Oscar luan me skuadrën e Shanghai SIPG.