E ardhmja e Gareth Bale është në një pikëpyetje të madhe.
Ylli uellsian, i cili paraqitet me Real Madrid, Bale, është para një udhëkryqi të madh në karrierën e tij.
Lojtari nuk pëlqehet aspak nga Zinedine Zidane dhe kësisoj i është bërë me dije se mund të largohet nga skuadra, sa më parë.
Por, kur mundësia erdhi për lojtarin që të largohej drejt Kinës, skuadra bllokoi transferimin e tij, duke i mohuar lojtarit fitime marramendëse.
Sipas raportimeve të ‘AS’, lojtari tashmë nuk do të bëjë asnjë lëvizje për të gjetur skuadër të re.
Ai do të lë gjithçka në duart e skuadrës, e cila tani duhet të merret me të ardhmen e uellsianit, i cili më parë kishte deklaruar se është i gatshëm të qëndrojë në stol, ose po të jetë nevoja të luaj golf, dhe të fitojë paratë që i takojnë me kontratën.
Mbetet të shihet se si do të përfundojë ‘drama’ Bale.
