Transferimi i Mauro Icardit në Juventus mund të ndodhë gjatë këtij afati kalimtar të verës, pasi që tani mediat angleze raportojnë se Cristiano Ronaldo i ka thënë klubit se do ta aprovonte këtë transferim.
Gazzetta dello Sport pretendon se bardhezinjtë tashmë i kanë rinisur tentimet e tyre për t’i siguruar shërbimet e Icardit, pasi që Ronaldo e dha pëlqimin e tij për transferimin e 26-vjeçarit si partner në sulm.
Gazeta italiane sqaron se Ronaldo e sheh sulmuesin argjentinas si lojtarin ideal për të pasur vetë më shumë hapësirë në fazën e sulmit.
Duke e pasur parasysh këtë vlerësim të Ronaldos, Juventusi pritet t’i intensifikojë negociatat për transferimin e Icardit sapo të mbyllet afati kalimtar për klubet e Anglisë, të enjten, më 8 gusht.
Kjo pasi që shkëmbimi mes Lukakus dhe Dybalas ende mund të ndodhë, përderisa Manchester Unitedi ka qenë duke mbajtur negociata edhe për Mario Mandzukicin. Kjo mbështetje nuk pritej nga Ronaldo.