A e dini pse Cërvena Zvezda nuk lyp leje nga FFK me ardhur në Graçanicë? - Bota Sot
A e dini pse Cërvena Zvezda nuk lyp leje nga FFK me ardhur në Graçanicë?

Futboll

A e dini pse Cërvena Zvezda nuk lyp leje nga FFK me ardhur në Graçanicë?

Nga: Kemajl Goca Më: 7 gusht 2019 Në ora: 14:43
A e dini pse Cërvena Zvezda nuk lyp leje nga FFK me ardhur në Graçanicë?

Në vitin 2018 Cërvena Zvezda e Beogradit mori një flakaresh të rëndë nga Fadil Vokrri, kur ishte president i FFK-së, i cili ndërroi jetë me 9 qershor të 2018-ës! Vokrri e ndali Zvezdën, nuk lejoi që të futet në Kosovë. Këtu mori fund ëndrra e klubit që njihet më famëkeq në Ballkan për të luajtur me një Graçanicë që nuk i njeh institucionet e Kosovës.

Historia e futjes së tyre në Graçanicë kinse për ndeshje humanitare mori fund! Sepse ajo ishte më shumë për promovimin e politikës nacionaliste serbe se sa për ndeshje humanitare të futbollit!

Në majin e sivjetshëm Cërvena Zvezda as që lajmërohet dhe as që interesohej! Iu thyen hundët nga Vokrri, por sivjet as që tentuan sepse e dini mirë se në krye të Federatës së Futbollit të Kosovës është njeriu më i afërt i Vokrrit, Agim Ademi i cili ka qenë nënkryetar atëkohë dhe pjesë e proceseve që nga koha e okupimit e deri më sot.

E dinte Zvezda se kërkim leja do të jetë e kot! Zvezdan Terziq, kryetar i C. Zvezdës, Mitar Mërkella drejtor sportiv dhe Dragan Xhajiq, që është pjesë e këtij klubit, as që u lodhen për të menduar më për Graçanicë, duke e ditur se në krye të FFK-së është Ademi!

Ata e dinë mirë se Ademi ka kontribuar në periudhën e pavarësimit të futbollit të Kosovës nga ai serbosllav dhe e dinin se dera e mbyllur nga Vokrri nuk do të hapet më, as nga Ademi. Kështu që Zvezda ul kokën dhe nuk mendon për Graçanicë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...