Roma vijon të tentojë përforcimet në merkato. Drejtori Sportiv i verdhekuqve, Gianluca Petrachi po vlerëson mbi profilet e disa futbollistëve në rolet kyçe ende të zbuluara në formacionin e skuadrës së Romës.
Aktualisht ekipi i kryeqytetit italian po kërkon një mbrojtës krahu dhe në krye të listës së kandidatëve potencial qëndron pikërisht Elseid Hysaj.
Mbrojtësi i përfaqësueses së Shqipërisë është gjithmonë e më pranë lamtumirës me Napolin. Gjithsesi, në garë për shërbimet e Hysaj është gjithashtu edhe Juventus në Seria A, sikurse Tottenham në Premier League, ndërkohë që më parë edhe Atletico Madrid në La Liga kishte menduar të investonte mbi shqiptarin.
