Carlos Izquierdoz, mbrojtësi i Boca Juniors, ka folur për Daniele De Rossi-n në një intervistë të dhënë për "ESPN".
"Ai është një gjeni, duket që ka ardhur me një dëshirë të madhe për të qenë pjesë e kësaj bote, për të dhënë kontributin e tij. Në fushë duket qartë eksperienca e tij, punon shumë me topin dhe e pason me një takim", ka thënë Izquierdos.
"Është gjithmonë në pozicionin e duhur, kur është me kurriz nga porta kërkon të qarkullojë topin, ndërsa kur është me fytyrë bën vertikalizime dhe kërkon depërtimin".
"Kërkon gjithmonë të ndihmojë dhe është shumë agresiv në mbulimin e kundërshtarit, një lojtar shumë interesant. E njihnim për atë që ka bërë te Roma, por ta kesh shok skuadre është një surprizë shumë e kënaqshme".