Futbollisti Kemal Ademi gjithnjë e më i mirë në fanellën e Baselit. Ai kontribuoi për fitoren e Baselit me rezultat 3:1 kundër Servettes, në ndeshjen që u luajt në stadiumin “St. Jakob-Park” në Basel, në praninë e 21.532 shikuesve. Ndeshje me rivalitet të madh, por Baseli nuk lejon befasi, ku edhe realizoi gol edhe shqiptari Ademi.
Në minutën e 4-të, Rouiller shënon autogol për vendasit, por nuk shkoi edhe shumë gjatë kjo epërsi, mysafirët barazuan 1:1 përmes Wüthrich (19’).0
Në minutën e 41-të pas një depërtimit anash nga Stocker dhe harkimit fenomenal Ademi shënon nga afërsia për 2:1. Në pjesën e dytë Bua vulosi fitoren me rezultat 3:1 në minutën e 81-të. Për Baselin luajtën Taulant Xhaka titullar deri në minutën e 46-të, Kemal Ademi tërë takimin, ndërsa për Servetten u paraqit Kastrioti Imeri nga minuta e 76-të, i cili u ndëshkua me karton të verdhë tre minuta pa përfunduar takimi.
Edhe Ademi u ndëshkua me karton të verdhë në pjesën e parë përkatësisht në minutën e 32-të, ndërsa deri me tash ka realizuar dy gola për Baselin. Skuadra e Baselit është në vend të dytë me 9 pikë, duke ngecur për një pikë nga Young Boys dhe Servette renditet në pozitën e pestë me 5 sosh. Nuk ka fitore për Zurich-un as pas javës së 4-të në elitën e futbollit zviceran. Fitorja iu mohua në çastet e fundit kur mysafirët barazuan 2:2. Zurich barazoi me rezultat 2:2 me Xamax-in. Ndeshje me katër gola, një penallti e humbur dhe një karton i kuq.
Toni Domgjoni, Mirlind Kryeziu me ekipin e tyre ende nuk kanë shijuar fitoren, kurse Taulant Seferi e Samir Ramizi me Xamaxin u kthyen me një pikë të madhe. Schonbachler (44'), Ceesay (78') shënuan për Zurich-un dhe Oss (63'), Karlen (90+4') për Xamaxin. Në minutën e 73-të, Mahi dështon nga penalltia, gjuajtja e të cilit u ndal nga tërthorësja e portës së Xamax-it.
Nga minuta e 69-të, Xamax mbetet me një futbollist me pak kur Nardo u ndëshkua me karton të kuq, por as këtë epërsi numerike nuk e shfrytëzuan Zurich-u. Toni Domgjoni luajti deri në minutën e 78-të, Kryeziu ishte i plotë dhe Taulant Seferi u zëvendësua në minutën e 52-të dhe Samir Ramizi u inkuadrua në minutën e 76-të, 13 minuta më vonë u ndëshkua me karton të verdhë. Xamax është në vend të nëntë me 3 pikë, ka një më shumë se Zurich i fundit. Reprezentuesit e Kosovës, Shkëlqim Demhasaj dhe Idriz Voca me Luzernin patën një ditë të keqe, ku si vendas pësuan humbje me rezultat 2:0 nga Thun. Havenaar (33') e Kablan (90+1') janë autorë të golave të fitores së Thunit. Luzerni është në vend të shtatë me 4 pikë, e Thun tri pozita më lartë dhe me një pikë më shumë.
Pajtim Kasami dhe Ermir Lenjani janë sikur në qiellin e shtatë, pasi që me Sionin si mysafirë triumfuan me rezultat 1:0 ndaj Luganos. Fitore e madhe e Sionit, e cila e mban vendin e tretë me 7 pikë, ka tri me pak se kampioni dhe lideri Young Boys, kurse Lugano është në pozitën e gjashtë me 4 pikë. Itaitinga në minutën e 86-të shënon për triumfin e madh të Sionit. Shqiptarët treguan paraqitje shumë të mirë dhe janë ndër më të merituarit për këtë fitore.
Liga e Zvicrës
Lugano-Sion 0:1
Luzern-Thun 0:2
Zurich-Xamax 2:2
Baseli-Servette 3:1
St. Gallen-Xamax 2:2
Tabela
1. Young Boys 4 3 1 0 10
2. Basel 4 3 0 1 9
3. Sion 4 2 1 1 7
4. Thun 4 1 2 1 5
5. Servette 4 1 2 1 5
6. Lugano 4 1 1 2 4
7. Luzern 4 1 1 2 4
8. St. Gallen 4 1 1 2 4
9. Xamax 4 0 3 1 3
10. Zurich 4 0 2 2 2
