Cristiano Ronaldo nuk do të marrë pjesë në miqësoren tradicionale që Juventus zhvillon çdo vit para fillimit të kampionatit në Villar Perosa.
Klubi bardhezi ka bërë të ditur se portugezi do të jetë i pranishëm, por nuk do të zbresë në fushë për shkak të një problemi muskulor.
CR7 do të punojë i veçuar në ditët e ardhshme dhe është në dyshim për ndeshjen e parë të kampionatit që Juventus do të luajë kundër Parma-s pas dhjetë ditësh. Në orët në vazhdim do të kuptohet nëse bëhet fjalë për një problem serioz ose jo.
Një lajm me të vërtetë i keq për Maurizio Sarri-n dhe popullin bardhezi.
