Mauro Icardi raportohet se është i bindur se Inter do ta rikthej në skuadër, nëse nuk mund të nënshkruajnë me Edin Dzekon e Romës.
Trajneri i ri i Interit, Antonio Conte, deri më tani ka refuzuar t’i jap një shans të dy sulmuesit, pas problemeve që kanë lindur në mesin e sezonit të kaluar.
Inter deri më tani në fazën e sulmit kanë sjellë Romelu Lukaku nga Manchester United, ndërsa po punojnë të sjellin Edin Dzekon, me këtë të fundit që sot ka nënshkruar kontratë të re me Romën.
Icardi ende nuk ka gjetur një skuadër të re, dhe sipas ‘Sky Sport Italia’, ai është i bindur se Conte do të përfundojë duke e përdoruar atë, nëse dështon transferimi i Dzekos.
Rikthimi i tij, do të ishte një kthesë tronditëse e ngjarjeve, pas një vere ku gjatë gjithë kohës raportohej për largimin e tij.
