Trajneri i Barcelonas, Ernesto Valverde, ka analizuar humbjen ndaj Bilbaos teksa ka vendosur gishtin edhe te super ylli i afruar në merkaton e verës, Griezmann. "Vërtet që niset nga krahu dhe ushtron shumë presion aty, por duhet të futet më në brendësi të aksioneve dhe të lojës, duke mos qëndruar i distancuar... Messi? Na mungon, sigurisht, sepse Leo të zgjidh ndeshje të mbyllura".
"Suarez ka një dëmtim, shpresoj të mos e humb për shumë kohë. Në pjesën e dytë luajtëm jo edhe aq keq, por këto ndeshje duhet t'i mbyllësh ndryshe rrezikon dhe mjafton një episod, si me Aduriz!".
