Chelsea dëshpëron tifozët e vet, të cilët nuk e shijuan fitoren as në javën e dytë në Premier League.
Ata para shikuesve të vet barazuan me rezultat 1:1 me Leicester Cityn.
Në minutën e 7-të, Mason Mount duke përfituar nga gabim i mbrojtësit rival dhe nga 15 metra me një goditje të fortë e përtokë kalon në epërsi (1:0) Chelsean.
Mbrojtja e Chelseas nuk reagoi si duhet dhe këtë situatë e shfrytëzoi më së miri Wilfred Ndidi kur me kokë godet bukur dhe plason topin në portën e portierit Arrizabalaga, 1:1 pikërisht në minutën e 67-të.
Leicester City në dy takimet e para ka dy barazime dhe renditet i 12-ti me 2 pikë, një më shumë se Chelsea që është në vend të 15-të.
