Skuadra e Barcelonës ka vendosur të heqë nga merkato mesfushorin brazilian Rafinha. 26-vjeçari, që luan me ekipin katalanas prej vitit 2011, do të qëndrojë edhe një sezon në “Camp Nou”.
Sipas të përditshmes spanjolle “Sport”, klubi ka vendosur të tërhiqet nga ideja e shitje së lojtarit për shkak të dëmtimeve që kanë patur disa lojtarë titullarë. Në ndeshjen në parë në kampionat, Rafinha hyri në fushë në vend të Luis Suarez, që u dëmtua.
Për lojtarin, kontrata e të cilit me Barça skadon verën e ardhshme, ishin interesuar disa skuadra në Spanjë dhe Itali. Gjithsesi, duket se klubi katalanas do t’i ofrojë një kontratë të re lojtarit, për të evituar që ai të largohet me koston zero pas një viti.
