Maurizio Sarri nuk do të jetë në bankinën e Juventusit në dy ndeshjet e para të Serie A.
Kampionët e Italisë, në dy ndeshjet e para në Serie A, nuk do të kenë në bankinë trajnerin Sarri, i cili është diagnostikuar me pneumoni.
Lajmi është konfirmuar nga faqja zyrtare e Juventusit.
“Maurizio Sarri iu është nënshtruar testeve të mëtutjeshme mjekësore, të cilat treguan një përmirësim të mirë klinik”, thuhet në njoftimin e Juventusit, përcjell lajmi.net.
“Për t’u rikuperuar plotësisht nga pneumonia që e goditi gjatë ditëve të kaluara, trajneri nuk do të ulet në stol në dy ndeshjet e para të Serie A kundër Parma dhe Napolit”. Kampionati elitar i futbollit italian, fillon këtë fundjavë.
