Atmosfera në Paris, me largimin e mundshëm të Neymar, fillon të ngrohet mes tifozëve të kampionëve të Ligue 1, ndërsa ditët e mbetura të merkatos kalojnë.
Braziliani shkoi në “qytetin sportiv” të PSG dhe gjatë daljes që aty u ballafaqua me thirrjet e një punëtori të mirëmbajtjes së fushave, që bërtiti me të madhe disa herë: “Pesetero, pestero Neymar".
Kjo fjalë nënkupton “lekist” në shqip, një njeri që i jep shumë rëndësi parasë, që aspiron të fitojë më shumë përmes tregtisë, ose profesionit të tij.
Pra, në sytë e tifozëve të PSG, Neymar konsiderohet i tillë tashmë, ndaj edhe u panë ato banera kontestues dhe ofendues ndaj tij në “Parce des Princes”, në ndeshjen hapëse të sezonit të ri.
