Kukësi-Partizani premton spektakël

Futboll

Kukësi-Partizani premton spektakël

Më: 23 gusht 2019 Në ora: 12:25
Kukësi-Partizani premton spektakël

Një supersfidë për ta ndezur menjëherë kampionatin. Një Kukësi-Partizani për spektaklin, rivalitetin dhe madje dhe hakmarrjen. Takohen sërish vetëm pesë ditë pas Superkupës që pa si fitues të kuqtë, te Kukësi duan që këtë herë të jetë një tjetër histori, te 16 herë kampionët duan që mbrojtja e titullit të nisë me një tjetër fitore ndaj rivalëve më të kuotuar për t’i zbritur nga froni.

Një Superkupë evidente emergjenca e Kukësit në mbrojtje, ndoshta këtë herë Duro do të vendosë të hedhë si titullar Erhun Obanor nigerianin që ka vetëm dy ditë që stërvitet me skuadrën, ndërkohë që nuk përjashtohet edhe grumbullimi i Kristal Abazajt nëse përshpejtohen gjithë procedurat e nevojshme, te Partizani, vlen shprehja skuadra që fiton nuk ndërrohet edhe pse me 3 golat e tij Bryan Brown ka hedhur më fortë se kurrë kartvizitën për ta nisur si titullar në qendër të sulmit në vend të Solomon.

Me kater gola të shënuar në 120 minuta oguri i mirë i Partizanit është se këtë vit ka gjetur edhe opsionet për të shënuar me bollëk, diçka që i mungoi në vitin e fitimit të titullit, te Kukësi ndërkohë pavarësisht humbjes në Superkupë ajo sfidë ofron si bazë për t’u rinisur pjesën e dytë ku verilindorët për pjesën absolute të kohës ishin superiorë dhe arritën madje të përmbysnin disavantazhin fillestar, avantazhi i të kuqve, ndryshimet më racionale me ruajtjen e boshtit, ndërsa te Kukësi metamorfoza e verës është shumë më e thellë, dhe efekti kohë është një domosdoshmëri për Shpëtim Duron, por në një garë të ethshme si ajo e titullit, kohë nuk ka edhe pse bëhet fjalë vetëm për ndeshjen e parë.

Kukësi apo Partizani për ta nisur me këmbën e mbarë, këtë askush nuk mund ta thotë, e sigurt është se në sfidën që inaguron kampionatin, nuk do të mungojë spektakli.

commentFirst article
Sot mund të lexoni Shfletoni kopertinat