Sulmuesi i kombëtares së Kosovës, Vedat Muriqi, ka debutuar me gol në një ndeshje zyrtare me klubin e ri të Fenerbahçes. Kjo e fundit në javën e parë të javës së Superligës së Turqisë, triumfoi thellësisht me rezultat 5:0 kundër Gaziantep.
Raportohet se Muriqi ka marrë nota pozitive prej presidentit të klubit, Ali Koç.
“Për një kohë të shkurtër Vedati është bërë ikonë e shumë tifozëve të rinj si dhe fëmijëve. Më kanë pëlqyer fotografitë e tij kur ka qenë fëmijë teksa ka pozuar me fanella të Fenerit.
Ka vite që një sulmues të kalibrit të tij i ka munguar klubit tonë”, ka pohuar Koç, shkruan Fanatik. Ai pritet të jetë startues për Kosovën në takimin kundër Republikës së Çekisë.