PSG – Barcelona, zhvillimi i fundit për brazilianin Neymar

Futboll

PSG – Barcelona, zhvillimi i fundit për brazilianin Neymar

Më: 23 gusht 2019 Në ora: 23:53
Neymar

Barcelona duhet të dorëzojë ofertën finale për brazilianin Neymar.

PSG dhe ylli i ekipit po i bëjnë presion katalanasve që të veprojnë, ose kjo pistë të braktiset përfundimisht. Dëshira e të gjithëve është që të ndodhë, por gjasat janë që kjo lëvizje të mos realizohet.

“El Chiringuito” bën me dije se kupola drejtuese e katalanasve është mbledhur sot dhe po mendon ofertën finale për PSG. Kapiteni Lionel Messi u ka kërkuar drejtuesve që ta sjellin Neymarin në “Camp Nou”, pasi do të ishte një ndihmë e madhe për skuadrën.

Ata janë dakorduar me diçka të tillë, por problemi kryesor janë financat. Barcelona nuk ka mjaftueshëm para sa kërkojnë kampionët e Francës, shifrën e 222 milionë eurove, por do të mundohen të paraqesin një ofertë të kombinuar me kartonin e ndonjë futbollisti, ose huazim me detyrim blerjeje në fund të sezonit.

commentFirst article
Sot mund të lexoni Shfletoni kopertinat