PSG ultimatum Realit: Iu japin Neymar, na jepni këtë lojtar!

Futboll

PSG ultimatum Realit: Iu japin Neymar, na jepni këtë lojtar!

Më: 26 gusht 2019 Në ora: 18:49
Neymar

PSG ka vënë në dijeni Real Madridin se për të mbyllur operacionin “Neymar” duhet të përfshijë në marrëveshje me çdo kusht transferimin e Vinicius Junior në Paris.

Gazeta spanjolle “AS” ka bërë me dije se madrilenët e kanë refuzuar tre herë këtë kërkesë të PSG-së, mirëpo klubi francez është i bindur në atë që kërkon dhe nuk e lëshon ndryshe brazilianin e tyre.

Ka qenë drejtori sportiv i PSG-së, Leonardo që ka zgjuar këtë ide të re, në këtë lëvizje të Neymar. Ish-drejtuesi i Milanit e ka ndjekur prej kohësh 18-vjeçarin brazilian dhe këtë herë ka mundësinë ta marrë në skuadër, por Reali refuzon në çdo mënyrë të shesë investimin e tyre më të madh tek një talent.

Deri më 2 shtator e ardhmja e Neymar do të jetë në ajër, oferta nga më të ndryshmet dhe kërkesa nga më uniket do të zbulohen dhe suspanca do jetë deri në fund.

commentFirst article
Sot mund të lexoni Shfletoni kopertinat