Milan kërkon një përforcim të ri nga Juventus.
Milan ka ringjallur interesimin për transferimin e mbrojtësit të Juventusit, Merih Demiral.
Gianluca di Marzio nga “Sky Sport” ka njoftuar se “Rossonerët” janë hedhur sërish në kërkim të reprezentuesit turk, në ditët e fundit të afatit kalimtar të verës.
Por, marrëveshja e mundshme për Demiral është e lidhur me interesimin e Romës për transferimin e Daniele Ruganit nga Juventus.
Nëse Roma vendos të mos e blejë mbrojtësin italian, Juventus mund të vendosë ta pranojë ofertën e Milanit për Demiral me vlerë prej 35 milionë euro.
