Fiorentina është duke zhvilluar një afat kalimtar të bujshëm dhe pas afrimeve të Boateng e Ribery, është gati të sjellë në Firence edhe mesfushorin argjentinas Rodrigo De Paul.
Ky i fundit është pjesë e Udineses, por u la jashtë ndeshjes me Milanin, pasi friulianët kanë një akord për transferimin e tij në Firence, ndërsa kanë mbetur për t’u diskutuar detajet e operacionit.
Palët kanë vlerësuar argjentinasin 25 milionë euro, të cilat Fiorentina do të mundohet të mos i paguajë të gjitha kesh, por të përfshijë në marrëveshje edhe ndonjë futbollist tjetër, si Giovani Simeone.
Rodrigo De Paul ka bërë paraqitje mjaft të mira me fanellën e Udineses, ndërsa në verë shkëlqeu edhe në Copa America, ku ishte një titullar fiks i kombëtares argjentinase.
