Mesfushori i Teutës, Albano Aleksi, pas barazimit në sfidën ndaj Tiranës këmbënguli se bardheblutë nuk janë më të fortë se durrsakët.
I kënaqur me barazimin?
U treguam të nxituar në pasin e fundit. Duhet të jemi më të qetë. Krijojmë lojë, por nxitohemi shumë te pasi i fundit.
Ka ndryshim Tirana nga vjet? Çfarë të bëri përshtypje si kundërshtar?
Tirana m’u duk njësoj. Nuk besoj se Tirana ishte më e fortë nga ne. Ne krijuam më shumë raste se Tirana, pavarësisht traversës.
Do të jeni konkurrentë për titullin kampion?
Është shpejt për titullin. I marrim ndeshjet një nga një. Është detyrim të fitojmë ndaj Luftëtarit në shtëpi.
