Manchester Utd nuk ka arritur më shumë se një pikë si mysafirë, duke luajtur baras 1:1 me Southamptonin, në kuadër të javës së katërt të Premier Leagues në futboll.
Në minutën e 10-të, Daniel James, me një veprim mjeshtëror brenda 16-shit, nga rreth 14 metra shënon gol të bukur në këndin e epërm të portës së Southamptonit.
Megjithatë vendasit barazuan shifrat pikërisht në minutën e 58-të. Mbrojtja e Manchester Utd e përgjumur kurse Jannik Vestergaard nga afërsia me kokë shënon për 1:1. Nga minuta e 73-të, Southampton mbetet pa një lojtar, pasi që Danso u përjashtua me karton të kuq (pas dy të verdhëve) pas një ndërhyrje të ashpër.
Manchester Utd është në vend të katërt me 5 pikë, kurse Southampton i 13-ti me 4 sosh.