Mesfushori Ermir Lenjani është hero i fitores së Sionit në udhëtim me rezultat 1:0 ndaj Thun-it.
Në minutën e 17-të, Pajtim Kasami me një top të gjatë e gjen Ermir Lenjanin që del i vetmuar dhe nga rreth 20 metra e parabollon edhe portierin Hirzel.
Gol që vendosi sfidën! Lenjani padyshim se është i lumtur së bashku me Kasamin, të cilët treguan lojë shumë të mirë.
Kasami u paraqit i plot dhe u ndëshkua me karton të verdhë në minutën e 75-ë, ndërsa Lenjani u zëvendësua në minutën e fundit. Sioni është në vend të tretë me 13 pikë, kurse Thun i gjashti me 5 sosh pas 6 javëve në elitën e futbollit zviceran.
Reprezentuesi i Kosovës, Idriz Voca, me Luzernin si vendas barazuan 2:2 me kampionin në fuqi, Young Boys. Voca luajti standard duke dhënë kontributin e tij.
