Tjetër zyrtarizim nga ekipi i Skënderbeun në këtë fillim sezoni. Prej ditës së sotme, Agon Elezi është zyrtarisht futbollist i skuadrës korçare.
18-vjeçari ka konkretizuar marrëveshjen paraprakë të arritur me klubin duke firmosur kontratën që e lidh me Skënderbeun për 3 vitet e ardhshme. Elezi u bashkua sot me grupin nën urdhrat e trajnerit Ilir Daja dhe stafit teknik.
Elezi vjen nga ekipi U-19 francez SM Caen dhe është pjesë e përfaqësueses U-19 dhe U-21 të Maqedonisë së Veriut. Vlen të theksohet se 18-vjeçari mban shiritin e kapitenit tek përfaqësuesja U-19 e shtetit fqinj.
Profili:
Datëlindja: 1 Mars 2001
Vëndlindja: Shkup
Nënshtetësi: Shqiptar, Maqedonia e Veriut
Gjatësia: 1.81 M
Pozicioni: Mesfushor qëndër
Këmba e fortë: E djathta.
