Selektori i Anglisë, Gareth Southgate mund ta ndryshojë përbërjen në repartin ofanziv pas ndeshjes me Kosovën.
Gareth Soutgate ka marrë një vendim të menjëhershëm pas ndeshjes me Kosovën.
Selektori i Anglisë ka hapur dyert për rikthimin e Jamie Vardyt në skuadër, raportojnë mediat angleze.
Harry Kane është opsioni i parë te Anglia me Marcus Rashford, Callum Wilson dhe i riu Tammy Abraham si zëvendësues të tij.
Por, Southgate ka thënë: “Me Jamie, është e qartë se sa mirë është duke luajtur ende dhe asnjëri prej nesh nuk i ka mbyllur dyert”.
“Ai është karakter që na pëlqen ta kemi me ne, andaj po, ajo derë gjithmonë do të jetë e hapur mes nesh”.
Anglia mposhti Kosovën 5:3 por është duke u ballafaquar me kritika për lojën e pakujdesshme, sidomos në mbrojtje.
