Sulmuesi brazilian Neymar shënoi një gol të vonshëm vendimtar për t’i dhënë PSG-së një fitore 1-0 kundër Strasburgut, i fishkëllyer tërë kohën nga tifozët.
Duke folur pas lojës, Neymar tha:
“Të gjithë e dinë që kam dashur të largohem. Unë e thashë atë dhe e përsëris. Nuk dua të hyj në detaje, tani pyetja është e mbyllur. Unë jam një lojtar i PSG dhe do të jap gjithçka në fushë. Unë nuk kam çfarë të them për tifozët e mi, nëse ata duan të fishkëllojnë, ata e bëjnë atë, ata janë të lirë ta bëjnë këtë”.
Neymar deri në momentet e fundit të merkatos ishte i lidhur me një rikthim te Barcelona, por përfundimisht një lëvizje e tillë nuk ndodhi pasi që kërkesat e PSG-së ishin të larta.