Nesër zhvillohen edhe dy takimet e fundit të xhiros së katërt në IPKO Superligë.
Flamurtari e pret Vushtrrinë në “Xhemail Ibishi”, kurse Dukagjini, që edhe më tutje nuk e ka shijuar fitoren në Superligë, do të jetë mysafir i Ferizajt, me synimin e vetëm, një rezultat pozitiv.
Sot, Drita mposhti Feronikelin në derbin e javës me rezultat minimal, kurse Gjilani triumfoi pastër ndaj Drenicës në “Bajram Aliu”.
Interesant është fakti se të dy klubet e Gjilanit kryesojnë renditjen tabelare në Superligë, por mbetet të shihet sesi do të rrjedhin gjërat ditën e nesërme.
Kujtojmë se ne do t’iu raportojmë minutë pas minuti, në secilën ndeshje, të secilës javë në elitën e futbollit.
