Xherdan Shaqiri duket se është i gatshëm për lojë, para ndeshjes Napoli – Liverpool në Ligën e Kampionëve.
Liverpoolin sonte e pret përballje e vështirë në udhëtimin në te Napoli në ‘San Paolo’.
Të dy ekipet do të përballen me fillim nga ora 21:00, në takimin e parë në kuadër të grupit E.
Kjo ndeshje, së bashku me atë Borussia Dortmund – Barcelona, shihen si dy takimet më të zjarrta të mbrëmjes së sotme.
Për ndeshjen e Liverpoolit duket se edhe Shaqiri është në formë, përkundër minutave të pakta këtë sezon.
“Champions League kthehet nesër. YNWA!”, shkroi mbrëmë Shaqiri në Instagramin e tij, shoqëruar fotos ku ai shihet duke u stërvitur.
Në pesë xhirot e para të Premierligës këtë sezon, Shaqiri është paraqitur në vetëm dy ndeshje, derisa ka vetëm 11 minuta të luajtura në total.
Kjo ka bërë që edhe tifozët të shprehin pakënaqësitë e tyre me minutat e pakta që ka marrë Shaqa.