Messi apo Maradona? Veron jep një përgjigje interesante - Bota Sot
Messi apo Maradona? Veron jep një përgjigje interesante

Futboll

Messi apo Maradona? Veron jep një përgjigje interesante

Më: 19 shtator 2019 Në ora: 19:09
Messi dhe Maradona

Messi apo Maradona? Ky është një nga debatet më interesante në sferën e futbollit, për përgjigjen e të cilit është vështirë të dakordohet.

Lidhur me këtë pyetje interesante ka dhënë disa komente edhe Juan Sebastian Veron, i cili beson se krahasimi i tyre është i padrejtë, pasi të dy përfaqësojnë epokat e  tyre.

“Është e vështirë. Shumë komplekse. Disa thonë Maradona, pasi ai fitoi Kupën e Botës. Ata që nuk kanë parë Maradonën por kanë parë Messin, do të thonë Messi” është përgjigjur Veron.

“Mendoj se këto krahasime të lojtarëve që kanë dhënë shumë për futbollit janë të padrejta. Këto debate nuk qojnë askund, janë të pavlefshme” ka thënë tutje argjentinasi.

“Diego shënoi një epokë, kurse Messi sot shënon epokën e tij, me personalitete të ndryshme dhe stile të ndryshme loje. Ata janë padyshim dy lojtarë historik dhe jemi me fat që janë të Argjentinës” ka shtuar ndër të tjerash ish anëtari i Man Utd.

Veron është një nga të rrallët që ka luajtur me të dy lojtarët.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...