Juventus do të ketë një favor shtesë para ndeshjes me Bayer Leverkusen.
Xhiroja e dytë e fazës së grupeve në Ligën e Kampionëve do t’i gjej përballë Juventusin dhe Bayer Leverkusenin.
Para kësaj ndeshje, skuadra gjermane ka konfirmuar se nuk do të kenë shërbimet e anësorit Leon Bailey.
Lojtari duket se ka pësuar një dëmtim muskulor gjatë ndeshjes kundër Lokomotivës së Moskës.
Sipas ekzaminimeve të para mjekësore të kryera nga mjeku i skuadrës së Leverkusen, lojtari nuk do të jetë i gatshëm për ndeshjen e 1 tetorit.
