Eros Grezda është në telashe serioze. Sulmuesi shqiptar nga Kosova nuk po gjen paqe në këtë sezon te Rangers në kampionatin skocez.
Fillimisht erdhi përjashtimi nga kombëtarja shqiptare nga trajneri Edy Reja që në grumbullimin e parë të këtij të fundit në muajin qershor ndërsa kalvari i gjatë i vuajtjeve ka vazhduar edhe gjatë muajve të verës për Grezdën i cili pasi nuk arriti të largohej dot nga Rangers përfundoi te skuadra e të rinjëve pasi në ekipin e parë nuk kishte më vend për të.
Grezda ka përfunduar jashtë projektit të trajnerit Steven Gerard dhe pasi e degëdisi te skuadra e të rinjëve ku as aty nuk arriti linte shenjë për mirë, shqiptari nuk do të luajë më me Rangers pas një veprimi aspak të hijshëm që ka bërë.
Grezda ka pështyrë një kundërshtar në një ndeshje me skuadrën e të rinjëve dhe për këtë arsye klubi jo vetëm që e ka dënuar me gjobë, por trajneri Gerrard i ka bërë të ditur lojtarit se nuk do të luajë më kurrë me Glasgow Rangers (raportimet vinë nga mediat skoceze), kështu që Grezda deri në janar sa të gjejë një skuadër të re për të vijuar karrierën do të qëndrojë në tribunë.
