Fitorja 4-1 e arritur në shtëpinë e Real Madrid në ndeshjen e kthimit të 1/8-ave të Champions League do të mbahet mend për një kohë të gjatë në shtëpinë e Ajax-it.
Drejtori i përgjithshëm i holandezëve, Edwin van der Sar, ka kujtuar: "Në rastin e tre golave të parë isha i detyruar të përmbahesha, sepse isha ulur në krah të presidentit të Real-it, por kur erdhi i katërti...".
Këto deklarata janë pasuar nga ato të drejtorit sportiv, Marc Overmars, i cili ka zbuluar skandalin që ka ndodhur në tribunë.
"Van der Sar nuk i ka thënë të gjitha: Florentino Perez e goditi dhe u desh ndërhyrja ime që situata të qetësohej", ka thënë Overmars për AS.