Shkodran Mustafi mund të mos e ketë të gjatë aventurën e tij tek Arsenal.
Mbrojtësi me prejardhje shqiptare nuk ka pasur paraqitjet më të mira të mundshme në Londër dhe tani është i hapur për një largim të mundshëm.
‘Calciomercato’ shkruan se Shkodran Mustafi mund të transferohej në Serie A, tek skuadra e Romës gjatë verës.
Lidhur me të ardhmen e tij ka folur edhe vet lojtari, pas fitores së Arsenal në Ligën e Evropës, duke thënë: “Kam dy vite kontratë. Nuk dua të nis luftë me liderët, jam gati të dëgjoj çdo propozim.”
“Jam i hapur për të gjitha mundësitë” ka thënë tutje Mustafi.
Lojtari nuk pëlqehet edhe aq nga tifozët e skuadrës së Arsenal, pasi shpeshherë ai di të bëjë gabime që sjellin direkt golin.
