Unai Emery beson se Granit Xhaka do të përmirësohet nëse ai ka mbështetjen e tifozëe të Arsenalit pasi mesfushori nga Kosova u vërshëllye gjatë ndeshjes kundër Aston Villës sot.
Granit Xhaka është nën presion të madh kohëve të fundit, derisa tifozët e Arsenalit janë të zhgënjyer nga paraqitjet e tij.
Xhaka ishte në shënjestrën e tifozëve të Arsenalit në fitoren e sotme 3:2 ndaj Aston Villës, derisa u vërshëllye nga ata derisa Emery e largoi nga loja në minutën e 72-të.
Por, Emery insiston se është i mahnitur nga paraqitjet e Xhakës dhe mendon se 26-vjeçari do të bëhet edhe më i mirë me përkrahjen e tifozëve.
“Ne kemi nevojë për tifozët tanë. Kemi nevojë për ata që t’i ndihmojnë futbollistët tanë”, tha Emery pas ndeshjes së sotme.
“Xhaka ka luajtur mjaft mirë të enjten, javën e kaluar në Watford, dhe sot unë e largova nga loja për shkak se ai luajti për 90 minuta”, vlerësoi trajneri spanjoll.
“Ai është futbollist i rëndësishëm për ne. Është duke u përmirësuar dhe dua që tifozët ta mbështesin atë”, shtoi ai.