Federata e Futbollit e Kosovës (FFK) ka njoftuar se biletat për ndeshjen miqësore mes Kosovës dhe Gjibraltarit do të dalin në shitje sot pasdite.
Kosova e pret Gjibraltarin në stadiumin Fadil Vokrri në Prishtinë më 10 tetor, ndërsa biletat për ta parë këtë ndeshje nga tribunat mund t’i blini online.
Biletat dalin në shitje në orën 17:00 dhe ato do të kushtojnë nga 5 euro deri në 80 euro për copë.
Kombëtarja dardane do të jetë e lirë në rrethin e gjashtë të Grupit A kualifikues për EURO 2020, prandaj i duhet ta zhvillojë një ndeshje miqësore.
Biletat mund të blihen nëpërmjet platformës online www.tiks.app
Çmimet e biletave janë si vijon:
Veri dhe Jug 5 euro
Lindje 10 dhe 15 euro
Perëndim 15 euro dhe 20 euro
VIP 80 euro
