Amir Rrahmani zhvilloi një tjetër ndeshje të mirë me Veronën, që barazoi 0-0 në shtëpi me Udinesen.
Mbrojtësi i Përfaqësueses së Kosovës tregoi personalitet në fushën e blertë, duke rezultuar në disa raste vendimtar për skuadrën e tij.
Specialistët e futbollit italian e kanë përzgjedhur 25-vjeçarin në formacionin e javës, përkrah emrave të tillë si de Vrij, Dalbert e Izzo.
Rrahmani, i blerë gjatë afatit kalimtar të verës nga Dinamo e Zagrebit e ka nisur sezonin si titullar i padiskutueshëm, duke luajtur në 5 takimet e para të Serisë A.